Скандалозна прослава: Фудбалерот на Рома ја прослави победата во римското дерби со знаме на кое навивачите на Лацио беа претставени како стаорци

Италијанската фудбалска федерација отвори истрага против дефанзивецот на Рома, Џанлука Манчини поради неговата прослава за победата против Лацио.

По римското дерби, во кое Рома победи со 1:0, стрелецот на победничкиот гол, Џанлука Манчини, вееше знаме во боите на Лацио на кое беше насликан голем стаорец.

„Не сакав никого да навредам, го зедов првото знаме што ми го дадоа. Се извинувам“, изјави Манчини.

Претседателот на здружението Габриеле Гравина за италијанските медиуми потврди дека отворил истрага против играчот на Рома.

Доколку биде казнет, ​​Манчини се соочува со парична казна, но и суспензија од неколку натпревари.