Меси се врати и ја покажа класата, но Интер Мајами повторно не победи

Лионел Меси се врати на теренот по тринеделна пауза и Интер Мајами и одново ја покажа својата класа, но неговиот тим не победи.

Интер Мајами беше домаќин на Колорадо по два врзани натпревари без победа, а Колорадо поведе на крајот од првото полувреме кога Рафаел Наваро беше прецизен од белата точка.

Херардо Мартино поради тоа беше принуден веднаш да го уфрли Меси во игра на полувремето, како и Бускетс. Веќе во 58. минута Меси во свој стил реагираше на одбиената топка и израмни на 1:1. Само две минути подоцна Меси беше главниот креатор на акцијата во која Руиз потоа го проигра Леонардо Афонсо за 2:1.

Impacto inmediato del mejor de todos 🐐✨

La conexión Negri – Messi nos da el empate al inicio del 2T. 🤝 #MIAvCOL pic.twitter.com/fCAxl3PoUQ

— Inter Miami CF (@InterMiamiCF) April 7, 2024

Dreams really come true: Leo Afonso scores his first goal in his first start 🤩✨ #MIAvCOL | 2-1 pic.twitter.com/WPrajDRRP2

— Inter Miami CF (@InterMiamiCF) April 7, 2024

Но, во 88. минута Колорадо успеа да постигне втор гол во мечот, бидејќи Басет погоди за конечни 2:2.

По добриот старт на сезоната, Интер не може да се пофали со добра форма, бидејќи има само една победа во последните пет натпревари, а сега е на третото место во Источната конференција на МЛС со 12 бода.