Србите тврдат: Ова е моментот кога „пукна тиквата“ помеѓу Ѓоковиќ и Иванишевиќ 🎥

Вчера спортската јавност беше изненадена со објавата дека Новак Ѓоковиќ ја прекинува соработката со Горан Иванишевиќ.

Иванишевиќ беше тренер на Ѓоковиќ во изминатите пет години и заедно забележаа бројни успеси. Разделбата помеѓу Ѓоковиќ и Иванишевиќ дојде по лошиот почеток на 2024 година.

Ѓоковиќ лесно загуби од Синер во полуфиналето на Австралија Опен, а потоа на Индијан Велс беше изненаден од 123. играч во светот, Лука Нарди. Во српските медиуми веќе се пишува и за моментот кога тие претпоставуваат дека се влошил односот помеѓу Новак и Горан.

Станува збор за момент на Австралија Опен кога Ѓоковиќ ги загуби првите два сета и потоа целосно го игнорираше својот стручен штаб. Во еден момент камерата го забележа и како бесно се обрати кон клупата: Не сте нормални, колку сте лоши! Ужас, сте сите!

Novak urlao na svoj tim! "Kako ste loši… Užas, užas, svi!" pic.twitter.com/V9sdrq6wob

— FanSport (@fansport_rs) January 26, 2024