ВИДЕО Лејкерси победија во натпревар каков што немаа одиграно 37 години

Кошаркарите на Лос Анџелес Лејкерс го совладаа тимот на Индијана со 150:145 во натпревар без продолженија и со тоа постигнаа најмногу поени од 2 јануари 1987 година кога го совладаа Феникс Санс со 155:118.

Лејкерси моментално се деветти во Западната конференција и секоја победа им е важна за влез во плејофот.

Ова е важна победа, но им дозволивме да постигнат 145 поени, па беше страшно во дефанзивата“, изјави Ентони Дејвис, кој ги предводеше Лејкерси со 36 поени и 16 скока.

Леброн Џејмс додаде 26 поени и десет асистенции, додека Динвиди постигна 26 поени.

„Сакаме да победуваме на секој натпревар. Ќе биде тешко, но ние сме способни да победиме на секој натпревар и мора да пристапиме на тој начин“, додаде Дејвис.