Облак скромен: Имавме среќа, не можеш да одбраниш пенал ако играчот перфектно шутира

Словенечкиот голман на Атлетико Мадрид, Јан Облак одлично се снајде во пенал рулетот против Интер на крајот од реваншот од осминафиналето на Лигата на шампионите.

Oблак успеа да ги запре ударите на Алексис Санчез и Дејви Класен, додека Лаутаро Мартинез шутираше над пречката.

„Секогаш велам дека за пенали треба да имаш малку среќа. Треба да ја избереш вистинската страна, треба да ја запреш топката… Верувам дека е невозможно да се одбрани ударот ако играчот шутира перфектно. За среќа, успеав да одбраним два шута. Важно е што победивме. Се надевам дека нема да застанеме во четвртфиналетое“, изјави голманот на Атлетико по двата меча што завршија 3:3.

Имаше респект Облак и кон ривалот од спротивната страна

„Интер беше одличен. Минатата година играше во финалето во кое заслужи повеќе. Оваа година доминира, но ние ја оставивме душата на теренот во реваншот“, изјави Облак.