Лапорта е на потег: Тројца Германци фаворити за нов тренер на Барселона

На лето, Барселона ќе добие нов тренер, откако актуелниот стратег Чави Ернандез најави свое заминување, а во трката за водењето на каталонскиот гигант се наоѓаат тројца Германци.

Според информации од каталонскиот медиум “Спорт”, претседателот Жоан Лапорта внимателно ги разгледува опциите за нов тренер, а главните кандидати се Јулијан Нагелсман, Ханси Флик и Томас Тухел.

Лапорта сè уште не е донел конечна одлука, но во следниот период планира разговори со своите соработници, по што ќе биде јасно кој ќе го наследи Чави на кормилото на клубот.

Претходно со клупата на Барселона се поврзуваа и уште неколку имиња, меѓутоа во овој момент изгледа овие тројца се фаворитите на Лапорта.

❗️Club sources say that Barça are interested in signing a 'German school' manager. Nagelsmann is the favorite over Flick and Tuchel. However, a final decision will not be taken until the club meets with all of them within the next few weeks.

— @sport pic.twitter.com/h07hDeu4zl

— Barça Universal (@BarcaUniversal) March 12, 2024