„Бомба“: Модриќ наскоро се сели во Саудиска Арабија

Лука Модриќ во последните денови од преодниот рок би можел да замине од Реал Мадрид, а како негова следна дестинација се споменува Саудиска Арабија.

Шпански „АС“ објави дека Модриќ оваа сезона бил замена на 17 натпревари на „кралевите“ и поради тоа не е среќен.

Капитенот на Хрватска повеќе пати истакнуваше дека го сака Реал Мадрид и дека не би му било проблем да ја заврши кариерата, меѓутоа богатата понуда од Саудиска Арабија се уште е актуелна.

Модриќ има 38 години и е спремен да одигра една сезона во Саудиска Арабија пред да ја заврши кариерата.