Oд Реал Мадрид му возвратија на Чави: Целата кариера му е сомнителна

Тренерот на Барселона, Чави Ернандез го нападна Реал Мадрид поради контроверзниот меч против Алмерија, а набрзо стигна реакција и од претседателот на клупската телевизија на „кралевите“, Хесус Алсаиде.

Алсаиде го нападна Чави и кажа дека цела кариера на поранешниот фудбалер е сомнителна.

„Интересно е тоа што Чави критикува работи кои за него беа нормални за време на 20-годишнат акариера.

Барселона е под истрага дека на потпретседателот на судиската организација му платила осум милиони евра и тоа во период од 20 години, колку што траеше кариерата на Чави“, изјави претседателот на Реал Мадрид ТВ.