Потврден трансферот на Калвин Филипс – Конечно би можел да добие вистинска минутажа

Англискиот фудбалер Калвин Филипс го напушти европскиот и англискиот шампион Манчестер Сити, но ќе остане во Премиер лигата.

Манчестер Сити како сериозно засилување го донесе Филипс од Лидс, но тој воопшто не играше под водство на Пеп Гвардиола. Во оваа сезона забележа само 10 настапи и постигна еден гол.

Неговото заминување одамна го најави Пеп Гвардиола, прашање беше само со кој клуб ќе ја заврши сезоната. Иако имаше различни понуди на маса, на крајот Вест Хем беше прифатен.

Со заминувањето на Деклан Рајс, на „Чеканите“ им недостига играч на таа позиција, па решија да договорат позајмица со Сити за поранешниот играч на Лидс.

Вест Хем ќе има можност да го откупи неговиот договор на крајот од сезоната. Фудбалерот денеска треба да направи лекарски преглед во Лондон и да потпише договор со новиот клуб.

🚨⚒️ Kalvin Phillips to West Ham, here we go! Loan deal agreed with Man City and also on player side. One more from Tim Steidten.

Understand it will also include an option to buy clause in June for #WHUFC.

Medical tests booked on Wednesday.@TurkishAirlines ✈️ pic.twitter.com/zfv9UAOLXO

— Fabrizio Romano (@FabrizioRomano) January 23, 2024