Бензема го уништи трансферот на Ал Итихад за кој ќе зборуваше цел свет – Се беше договорено, а потоа шок

Карим Бензема е главна тема на фудбалската јавност овој јануари откако предизвика скандал на Ал Итихад и изјави дека сака да ја напушти Саудиска Арабија. Челниците на Ал Итихад се револтирани од однесувањето на Бензема, кој на тој начин уништи неверојатен трансфер за овој клуб.

Имено, познато е дека Ал Итихад со месеци „кокетира“ со Мохамед Салах и се обидува да го доведе Египјанецот.

Очигледно преговорите одеа во добра насока и се подготвуваше теренот за пристигнувањето на Салах во Ал Итихад на лето, но како што стојат работите ништо од тоа.

Англиските медиуми пишуваат дека Салах видел што се случило со Бензема и не сака да го доживее тоа, поради што наводно се откажал од какви било преговори со тој клуб.

Салах сфатил дека во Саудиска Арабија не е сè толку магично како што изгледа. Покрај Бензема го виде и во примерите на поранешните соиграчи Џордан Хендерсон и Роберто Фирмино, кои по само неколку месеци ја напуштија таа земја и се вратија во Европа.

Сето ова му оди во прилог на Ливерпул, кој не сака да го загуби својот најдобар играч и на „Енфилд“ веќе подготвува нов договор за 31-годишниот Египќанец.

Салах има договор со „црвените“ до летото 2025 година, но Ливерпул сака да го продолжи неговиот договор на најмалку уште една година.