Шпанците откриваат: Чави беснеел и ги навредувал фудбалерите на Барселона во соблекувалната

Барселона за викендот тешко дојде до трите бода против Алмерија (3:2). Каталонците посебно очајни беа во првото полувреме, па тренерот Чави Ернандез имал и тоа како причина да биде незадоволен.

Имено, „Мундо Депортиво“ пренесува дека Чави влегол во соблекувалната и почнал да беснее и да фрла предмети.

Шпанците ги откриваат и зборовите на Чави.

„Невозможно, невозможно е вака да играте…трчате како свињи по терен“, беснеел Чави.

Чави незадоволство од играта на својот тим искажа и на прес-конференцијата по натпреварот истакнувајќи дека не можат да победуваат ако не трчаат.

„Не можам да прифатам дека игравме на таков начин во првото полувреме, како да не бевме заинтересирани…тоа е моја вина и ви ветувам дека нема да се повтори. Секогаш сакам да видам страст од фудбалерите, ние не бевме агресивни.

Ова не е Барса од 2010 година, па да победуваме и кога не трчаме, не се освојуваат трофеи ако не се борите за секоја топка. Од трибините слушнав свирежи, нормално дека не ми се допаѓаат, меѓутоа ги разбирам луѓето“, изјави Чави.