Чави се налути: Ова не е Барса од 2010, па да победуваме без да трчаме

Барселона многу потешко од очекувањата вчера ја победи Алмерија со 3:2, а тренерот Чави Ернандез стави до знаење дека и покрај освоените три бода не е задоволен од изданието на својот тим.

Чави беше бесен поради недоволното залагање на неговите фудбалери, пред се во првото полувреме.

„Не можам да прифатам дека игравме на таков начин во првото полувреме, како да не бевме заинтересирани…тоа е моја вина и ви ветувам дека нема да се повтори. Секогаш сакам да видам страст од фудбалерите, ние не бевме агресивни.

Ова не е Барса од 2010 година, па да победуваме и кога не трчаме, не се освојуваат трофеи ако не се борите за секоја топка. Од трибините слушнав свирежи, нормално дека не ми се допаѓаат, меѓутоа ги разбирам луѓето“, изјави Чави.