Што се случува со Ѓулер? По третпат е повреден!

Новајлијата во Реал Мадрид, Арда Ѓулер заработи нова повреда која е негова трета од доаѓањето во Шпанија.

Турчинот дојде минатото лето како засилување за иднината на „кралевите“, во последен момент тој ја одби Барселона и го избра Реал Мадрид. Но, во Мадрид се соочува со многу проблеми со повредите.

Ѓулер веднаш заработи повредан а мускулот поради која паузираше два месеци, а потоа само што доби зелено светло ја обнови на тренингот.

Неговото враќање требаше да биде оваа недела и да игра против Брага во Лигата на шампионите, но повторно се повреди. Денес тоа го потврди Карло Анчелоти.

„Вистина е дека Ѓулер повторно се повреди, но не ја обнови претходната. Во прашање е задната ложа, не се загрижени, му кажавме да не брзаме, неговата иднина е светла во Реал Мадрид“, кратко истакна Анчелоти.

Според најновите информации, Ѓулер ќе паузира нов месец и неговото деби е одложено за декември.