Јокиќ и Дончиќ блескаа во балканската пресметка во НБА – малку им фалеше за трипл-дабл!

Tимот на Денвер се врати на победничките патеки откако во дербито на вечерта славеше победа над Далас со 125:114.

За Далас ова беше прв овосезонски пораз. Повторно на паркетот блескаше Никола Јокиќ кој сега беше на чекор од трипл-дабл. Јокиќ натпреварот го заврши со 33 поени, 14 скока и девет асистенции. Зад него беа Мајкл Портер Јуниор со 24 поени и Џамал Мареј со дабл-дабл од 18 поени и 13 скока.

Лука Дончиќ на спротивната страна исто така беше блиску до трипл-дабл со 34 поени, 10 скока и осум асистенции. Кајри Ирвинг уфрли 22 поени.

Најефикасниот натпревар во вечерта го одиграа Голден Стејт и Оклахома кој заврши со победа со победа Вориорси од 139:141.

Стеф Кари беше расположен за игра со 30 поени, осум скока и седум асистенции, додека Дорт во редовите на Оклахома постигна 29 поени.

На останатите средби, Индијана го совлада Кливленд, Милвоки беше подобар од Њујорк, додека Мајами славеше над Вашингтон.