Тепачка во Кавадарци: „Комити“ ја украле кореографијата на „Лозари“

Во недела се игра дерби натпреварот помеѓу Тиквеш и Вардар, а како загревање за овој дуел се случи инцидент во Кавадарци.

„Комити“ во текот на изминатата ноќ со неколку автомобили влегле во Кавадарци, додека „Лозари“ ги подготвувале транспарентите за неделното дерби.

Навивачите на Вардар во салата „Јасмин“ влегле со факели и со тврди предмети ги нападнале „Лозари“ кои не биле подготвени за такво нешто. Скопските навивачи успеале да им ги одземат материјалите.

Според информациите инцидентот бил снимен од безбедносните камери на салата и отворена е истрага.