Дома Фудбал Клоп го пронајде проблемот во ремито против Спартак

Клоп го пронајде проблемот во ремито против Спартак

Менаџерот на Ливерпул, Јирген Клоп, смета дека неговиот тим мора да биде подобар во завршницата.

Во вчерашниот натпревар од Лигата на шампионите, Ливерпул ремизираше 1:1 во Москва против Спартак, иако доминираа и создаваа шанси во текот на целиот натпревар.

„Мораме да бидеме подобри во завршницата, тоа е нашиот проблем во овој момент“, изјави Клоп после ремито.

Клоп не сакаше премногу да ги критикува фудбалерите, па така ги пофали своите избраници за вложениот напор и енергијата во овој натпревар.

„Ова беше луд натпревар. Креиравме многу шанси, но кога нема да победите, тогаш тоа е просечен натпревар. Момците беа одлични, дадоа се од себе, но сепак не успеавме“, изјави Клоп.

Ливерпул во групата Е во која се наоѓаат уште Спартак Москва, Севиља и Марибор има два освоени бодови после исто толку натпревари.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…