ДОМИНАЦИЈА: Ѓоковиќ во три сета до финале на УС Опен

Српскиот тенисер Новак Ѓоковиќ го совлада младиот и перспективен американски тенисер Бен Шелтон во полуфиналето на турнитот УС Опен и со тоа се пласира во финалето.

Ѓоковиќ го порази 20-годишниот Шелтон со 3:0 во сетови, по израмнета и напорна игра, особено во третиот сет, во кој на моменти се чинеше дека Шелтон ќе собере сили да ја намали разликата и да се обиде да направи пресврт.

Во напнатата игра Шелтон успеа да израмни и да издејствува тај-брејк, но во продолжението искусниот Ѓоковиќ не дозволи изненадувања и го доби мечот со 3:0 (6:3; 6:2 и 7:6). Мечот заврши кратко по полноќ според наше време, по нешто повеќе од два ипол часа игра.

Шелтон се смета за најголемо пријатно изненадување на овој УС Опен, и приужи одлична игра против српскиот ас, кој важеше за голем фаворит.