ЛУИС СУАРЕЗ сака повторно да игра со Лионел Меси, Жорди Алба и Серхио Бускетс, некогашното трио на Барселона, кое сега е дел од составот на Интер Мајами.
Тој е под договор со бразилски Гремио и трансферот моментално е во сферата на тешко остварливите, но уругвајскиот напаѓач има план.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Според шпанските медиуми, Суарез ќе се обиде да преговара за трансфер, а на Гремио би можел да му понуди исплата на платата за оваа година и додаток за да се ослободи од договорот што го има со клубот.
Во Гремио се свесни дека сака да си замине, но не се подготвени само така да се откажат од него бидејќи им претстои клучен дел од сезоната и не сакаат да останат без ѕвездата која на 30 натпревари за клубот постигна 13 погодоци и асистираше за девет гола.
Суарез во кариерата играше и за Национал и Гронинген, пред да биде префрлен во Ајакс (111 гола, 68 асистенции на 159 натпревари), а потоа и во Ливерпул (83 гола, 46 асистенции на 133 натпревари), каде што помина три години.
За Барселона играше шест години (195 гола, 113 асистенции на 283 натпревари). Во Шпанија настапуваше и за Атлетико Мадрид. Во кариерата богата со трофеи, тој беше петкратен шампион на Шпанија и еднаш освојувач на Лигата на шампионите.
Учество во игри на среќа е дозволено за лица со 18+ години. Играј одговорно!