„Меси и Бускетс не доаѓаат на одмор во Мајами“

Аргентинецот, Херардо Мартино е нов тренер на Интер Мајами, а сега порача дека Лионел Меси и Серхио Бускетс не доаѓаат во САД на одмор, туку да освојуваат трофеи.

Меси по завршувањето на договорот со Пари Сен Жермен каде што помина две години се одлучи да го напушти и европскиот фудбал.

„САД и Мајами се поврзуваат со одмор, но тоа не е тоа. Меси и Бускетс не доаѓаат тука да одмараат. Тоа што е најдобриот играч во светот одлучи да игра тука отвара голем простор за напредок“, изјави аргентинскиот тренер.

Мартино веќе соработуваше со Бускетс и Меси во Барселоа, а кратко го водеше Меси и во репрезентацијата на Аргентина. Ангажманот во МЛС нема да биде прв за него бидејќи во сезоната 2018 година работеше во Атланта Јунајтед и беше избран за тренер на годината.