Ѓоковиќ го освои Ролан Гарос и испиша историја

Новак Ѓоковиќ го победи Каспер Руд со 3:0 (7:6, 6:3, 7:5) во финалето на Ролан Гарос и стана тенисерот со најмногу освоени грем-слем титули во историјата.

Ѓоковиќ лошо го започна финалниот натпревар, но брзо се консолидираше и стигна до водство во првиот сет. Потоа, рутински, ги освои и следните два сета и стигна со титулата во Париз.

Со тоа Ѓоковиќ се искачи на врвот на вечната листа со 23 грем-слем титули, а воедно  стана и најстариот тенисер во историјата кој го освоил Ролан Гарос.