Семејството објави детали: Серхио Рико добил тежок удар разбеснат коњ

Вчера во јавноста стигна вест за несреќата која ја имал резервниот голман на Пари Сен Жермен, Серхио Рико.

По освоената титула со ПСЖ, Рико отпатувал за Шпанија каде што доживеал несреќа при проштетка со својот коњ. Сега неговото семејство откри детали за несреќата и изрази надеж за добри вести.

„Серхио Рико отпатува од Стразбур за Малага по освоената титула, клубот беше информиран и доби дозвола. По краткото време кое го помина со семејството се упати кон Понтификал со коњ. На патот доживеа несреќа при судар со животни и доби удар од разбеснат коњ.

 Серхио сега е во добри раце и се бори да се опорави, ја добива најдобрата нега. Мораме да бидеме претпазливи, посебно во следните 48 часа“, објави семејството на голманот.

Comunicado oficial | Sergio Rico pic.twitter.com/BuUzob1IWy

— You First (@TeamYouFirst) May 28, 2023