Зарем имаше дилеми кој ќе биде играч на сезоната во Премиер лигата?

Напаѓачот на Манчестер Сити, Ерлинг Халанд е прогласен за играч на сезоната во англиската Премиер лига.

Халанд во својата прва сезона го предводеше Манчестер Сити до шампионскиот трофеј постигнувајќи друи 36 голови, а додаде и осум асистенции. Ефектот Норвежанецот ќе може да го подобри во последното коло во кое Сити ќе игра против Брентфорд.

Оваа сезона Халанд собори низа рекорди во Англија, а најважниот кој го сруши веројатно е оној на голови во една сезона во Премиер лигата.

Досега овој рекорд со 34 гола го делеа Енди Кол и Алан Ширер, меѓутоа тие 34 гола постигнаа кога во Премиер лигата се играа 42 натпревари, за разлика од сегашните 38.