Крос му одговори на Руни: Исто беше и минатата година

Реал Мадрид и Манчестер Сити утре ќе го одиграат првиот полуфинален натпревар од Лигата на шампионите.

Вејн Руни ги испровоцира фудбалерите на Реал Мадрид со изјавата дека Манчестер Сити лесно ќе се пласира во финалето.

Меѓутоа, англиската легенда експресно доби одговор од плејмејкерот на Реал Мадрид, Тони Крос.

„Исто беше и минатата година. Никој не очекуваше дека ќе победиме, но на крајот победивме. Се сеќавам на зборовите на Руни, но и други го велеа тоа. Тоа не ни влијае нам, ниту дополнително нè мотивира бидејќи не може да бидеме помотивирани од моментот дека се бориме за влез во финалето“, изјави Крос.