Нов шок за Манчестер Јунајтед: По Мартинез и Варан, завршена сезоната и за Бруно Фернандеш?!

Со многу проблеми со повреди се соочува Ерик Тен Хаг во финишот од сезоната откако остана без Лисандро Мартинез и Рафаел Варан до крајот на сезоната, сега сериозна повреда заработил и Бруно Фернандеш.

Португалецот се повреди против Брајтон во полуфиналето од ФА Купот и според последните информации сезоната за него е завршена.

И покрај таа повреда Фернандеш одби да го напушти теренот и остана до завршницата од натпреварот.

Манчестер Јунајтед не се огласил, меѓутоа Бруно сигурно ќе го пропушти натпреварот со Тотенхем, а допрва треба да се види за каква повреда станува збор. Сепак, најавите од Островот засега воопшто не се добри…