Сензација: Лајовиќ го елиминира Ѓоковиќ во Бања Лука

Душан Лајовиќ за прв пат во кариерата го победи Новак Ѓоковиќ и тоа на турнирот во Бања Лука.

Ѓоковиќ важеше за голем фаворит на „Српска Опен“, турнирот кој се одржува во Бања Лука, но не успеа да го освои. 

Лајовиќ првиот сет го доби со 6-4, а во вториот се играше тајбрејк кој го доби со 7-6 (8-6). Ѓоковиќ имаше три сет поени, но не успеа да израмни.

За пласман во големото финале Лајовиќ ќе игра против подобриот од мечот Кецмановиќ – Лехечка.