Официјално: Баерн го потврди инцидентот во соблекувалната, Мане доби казна!

Aко досега само се шпекулираше дека нешто се случило во соблекувалната на Баерн, гигнатот од Минхен сега тоа и го потврди.

Имено, германските медиуми објавија дека Мане го удрил Сане по поразот од Манчестер Сити во Лигата на шампионите, а попладнево стигна реакција од раководството на клубот. Познато е каква дисциплина сакаат Германците, па затоа Мане е суспендиран.

„Садио Мане нема да биде во тимот на Баерн за домашниот натпревар против Хофенхајм. Причината е недолично однесување по натпреварот против Манчестер Сити. Освен тоа, Мане ќе биде и парично казнет“, објави Баерн.

Мане денес тренираше со соиграчите и наводно ги решиле недоразбирањата со Сане. Медиумите претходно објавија и снимка од моментот кога започнал конфликтот помеѓу двајцата (ТУКА).

Sadio Mané will not be part of the matchday squad against TSG Hoffenheim this weekend.

— FC Bayern Munich (@FCBayernEN) April 13, 2023