Арсенал не се откажува од Каиседо

Арсенал не се откажува од намерата да го ангажира Моисес Каиседо од Брајтон и тоа ќе биде приоритет за „топџиите“ во летниот преоден рок.

Арсенал во зимскиот преоден рок имаше неколку обиди да го ангажира Еквадорецот, но Брајтон одби 60 милиони фунти.

Каиседо е примарна трансфер цел  на Арсенал, па е спремен на лето да понуди 75 милиони фунти за неговиот потпис, а самиот фудбалер инсистира да се пресели на „Емирати“.

Интерес за Еквадорецот покажуваат уште Ливерпул и Челзи, па Арсенал сака да ја победи кокуренцијата и активно работи на трансферот, а наводно „топџиите“ веќе имаат договор со менаџерот.