Нов циркус на Мурињо: Дивеел на натпревар од младинците на Рома

Жозе Мурињо повторно е во центарот на нов скандал, овој пат поради недоличното однесување на натпреварот на У-14 екипите на Рома и Лацио.

Жозе Мурињо и неколку фудбалери од првиот тим на Рома, направиле сцена на натпревар меѓу Рома и Лацио за играчи до 14 години. 

Рома водела со 2-0, кога бил досуден пенал за Лацио и тука Мурињо почнал да прави драми. Го исвиркувал и му дофрлал на момчето кое се подготвувало да го изведе пеналот. Потоа ги советувал младите играчи на Рома како да крадат од времето.

Лацио поднел жалба на однесувањето на Португалецот, кој оваа сезона има повеќе црвени картони од било кој играч во Серија А.