Познато каде Левандовски ќе ја заврши кариерата

Роберт Левандовски со години е еден од најдобрите напаѓачи во светот, а ова лето се пресели во Барселона.

После долги години во Баерн Минхен, полскиот напаѓач сакаше да ја промени средината и направи трансфер во Барселона каде потпиша договор до 2026 година.

Левандовски веќе размислува за следниот трансфер и тоа во американската МЛС лига, откри поранешната портпаролка на полската репрезентација Моника Бондарович.

„Јас сум убедена дека Левандовски после Барселона ќе оди во САД. Затоа и јас организирав еден куп интервјуа со него во американските медиуми од Њујорк Тајмс преку Спортс Илистрејтед до СИ-БИ-ЕС. Силата на едно име се гради однапред, пред да ја продолжите кариерата во таа земја, а не кога веќе ќе дојдете“, рече Бондарович.