Зошто Роналдо одби да гласа во изборот на ФИФА?

Лионел Меси вчера вторпат во кариерата беше прогласен за најдобар фудбалер во изборот на ФИФА, награда која се доделува од 2016 година кога светската фудбалска организација се оддели од „Златната топка“ на „Франс Фудбал“.

Наградата како и Меси двапати претходно ја освои Роналдо, уште толку пати Левандовски и еднаш Модриќ. По прогласувањето на победниците и завршувањето на церемонијата ФИФА објави како гласале капитените и селекторите на земјите членки.

Роналдо како капитен на Португалија имаше право да гласа, па неговите гласови секако се интересни за јавноста. Но, Португалецот поради некоја причина одбил да гласа во изборот и тоа право го препуштил на дефанзивецот Пепе.

Кога е Пепе во прашање тој гласаше за Мбапе, Модриќ и Бензема.