Барселона останува без клупската телевизија?

Во Барселона се најавуваа промени, а во тие промени еден од симболите на клубот може повеќе да не биде дел од каталонскиот гигант.

Одредени шпански медиуми денес објавија дека Барселона е спремна да ја продаде „Барса ТВ“, клупската телевизија која секојдневно ја следи работата во клубот и на навивачите им ги прикажува најважните моменти.

„Барса ТВ“ во последно време во блага загуба, а управата смета дека нејзина продажба би била одлична економска инвестиција. Клубот добро би заработил, а „Барса ТВ“ би била продадена на друга телевизиска станица која ќе го промени името и содржината.

Навивачите клупската телевизија ја сметаат за еден од симболите и тешко дека со одобрување би ја примиле ваквата одлука. Сепак, за Барса во овој момент е најважно конечно клубот да застане на цврсти нозе кога се финансиите во прашање.

За клубот секако е одлично што резултатите полека се враќаат, Чави создаде една одлична млада екипа во која има и неколку искусни фудбалери.