Прва сензација на Австралија Опен: Надал елиминиран уште во второто коло!

Голема сензација се случи утрово на Австралија Опен во Мелбурн каде што беше елиминиран Рафаел Надал во второто коло.

Подобар од Надал и тоа со 0:3 беше Американецот Мекензи Мекдоналд. Очигледно Шпанецот го плати данокот на повредата која го мачи долго и поради која веќе се зборува за негов крај на кариерата.

Првите два сета Надал ги загуби со 4:6, а последниот со 5:7 што секако е разочарување ако се знае дека Мекдоналд во овој момент е 65-ти тенисер на АТП листата.

Поразот на Надал беше поздравен од навивачите на Ѓоковиќ кои сега очекуваат српскиот ас да стигне до десеттата круна во Мелбурн. Надал беше оценет како негов најголем ривал на патот до титулата.