Поранешен фудбалер на ПСЖ почина на 40 години од срцев удар

Поранешниот фудбалер на Пари Сен Жермен, мМодест Мбами починал во текот на вчерашниот ден како последица на срцев удар на 40-годишна возраст.

Мбами во текот на кариерата играше за неколку француски клубови, вклучувајќи ги и ПСЖ и Олимпик Марсеј. Со ПСЖ двапати го освојуваше Купот на Франција во 2004 и 2006 година.

За репрезентацијата на Камерун одигра 37 натпревари, а постигна три гола. Беше дел од репрезентацијата која го освои златниот медал на Олимписките игри во Сиднеј 2000. година.

Во текот на играчката кариера настапуваше уште во Шпанија, Кина и Саудиска Арабија. Се повлече во пензија во 2016 година.

Le @PSG_inside a appris avec une profonde tristesse le décès ce jour de notre ancien joueur Modeste M'Bami.

Le Club présente ses sincères condoléances à sa famille et ses proches❤️💙 pic.twitter.com/TR7robsbvl

— Paris Saint-Germain (@PSG_inside) January 7, 2023