Во последно време многу се шпекулира со иднината на Андрес Иниеста бидејќи неговиот договор завршува на крајот на сезоната. Меѓутоа, плејмејкерот кој целата својата кариера ја помина во Барселона, најверојатно кариерата и ќе ја заврши на „Камп Ноу“.
Ова го потврди претседателот на Барселона, Жозеп Бартомеу кој најави продолжување на соработката со 33 годишниот играч за врска.
До кога ќе дишеме отровен воздух!? | Уште еден поткаст
„Ги договоривме сите услови околу неговиот нов договор. Се надеваме дека се ќе биде финализирано во наредните неколку недели“, изјави Бартомеу.
„Сакаме Иниеста да се пензионира како играч на Барселона. Ќе му ја овозможиме таа можност доколку сака. Договорот автоматски ќе му се обновува за по една година и кариерата ќе ја заврши на Камп Ноу“, откри претседателот на Каталонците.
Иниеста дебитираше за првиот тим на Барселона во 2002 година, а до денес има одиграно 632 натпревари за Каталонците.
Учество во игри на среќа е дозволено за лица со 18+ години. Играј одговорно!