Тимо Вернер би можел да го пропушти Светското првенство во Катар поради повредата што ја заработи денес на натпреварот од Лигата на шампионите против Шахтјор.
Германскиот репрезентативец почувствува болка во ногата во 17. минута од натпреварот. Во истиот момент сигналираше на клупата давајќи знак дека му е потребна интервенција. Две минути подоцна беше заменет и на негово место влезе Емил Форсберг.
Се уште не е позната тежината на повредата, ниту пак колку време играчот ќе биде надвор од терените, но оваа вест секако ја загрижува германската репрезентација.
До почетокот на Мундијалот остануваат неполни три недели, а се очекува Вернер да биде важен дел од германската репрезентација. Првиот натпревар Германија ќе го одигра на 23 ноември против Јапонија.
Учество во игри на среќа е дозволено за лица со 18+ години. Играј одговорно!