Барса се ослободува од „вишокот“: Андре Гомеш се сели во Премиер лигата

Имено, Барселона и Тотенхем постигнаа договор за трансфер на Андре Гомеш кој ќе се пресели на „Вајт Харт Лејн“.

Гомеш пристигнува на позајмица, но „петлите“ ќе имаат обврска да го откупат неговиот договор на крајот од сезоната за сума од 45 милиони евра, но само ако фудбалерот одигра 60% од натпреварите на англискиот клуб.

Гомеш пристигна на „голема“ врата во Барселона, но прикажа разочарувачки настапи, а наводно и Лионел Меси го посочил како еден од фудбалерите кој треба да замине.

Претходно интерес за Гомеш покажаа Јувентус и Вест Хем.