Црвена Звезда доби казна од УЕФА на неколку часа пред почетокот на Лигата на Европа

Вечерва со останатите натпревари Црвена Звезда ќе ја започне сезоната во Лигата на Европа, а на неколку часа пред натпреварот со Монако српскиот шампион доби непријатна вест од УЕФА.

Дисциплинската комисија на УЕФА ја казни Звезда со 55.000 евра и условна казна од траење од една година. Причината за казната е „организациски пропуст“ во натпреварот против Макаби Хаифа во плеј-офот за Лигата на шампионите.

На таа средба навивачите на црвено-белите фрлаа предмети на теренот и сега клубот освен што ќе плати казна ќе мора да внимава делото да не се повтори во спротивно ќе мора да играат еден натпревар без публуика.

Натпреварот против Монако Звезда го игра вечерва во терминот од 21:00 часот.