Кирјос повторно шокираше: Уште три натпревари и повеќе не мора да играм тенис

Ник Кирјос го совлада Данил Медведев во осминафиналето на УС Опен со 3:1, а потоа шокираше со својата изјава.

„Чувствувам дека играм за многу повеќе од себе. Имам голема поддршка, а од друга страна има и многу кои се сомневаат во мене и би сакале да ме видат на земјата. Тоа е голема мотивација. Не се видов со моето семејство четири месеци, а не го видов ниту целиот тим.. Се надевам дека ќе ја завршиме работата, ќе дојдеме дома и навистина ќе славиме. Само се трудам да не ги изневерувам луѓето, ми се гади да ги изневерувам луѓето. Како што кажав и претходно, ако освојам слем, не знам колкава мотивација би имал потоа, бидејќи е исклучително тешко да се направи тоа“, рече Австралиецот.

„Ова е последниот најголем турнир годинава, мораме да се туркаме и да се охрабруваме, да бидеме позитивни. Потенцијално уште три натпревари, па никогаш повеќе не морам да играм тенис, додаде Кирјос.