Арсенал испрати прва понуда за Милинковиќ-Савиќ

Италијанските медиуми тврдат дека Арсенал е сериозно заинтересиран за српскиот репрезентативец Сергеј Милинковиќ-Савиќ.

Приоритет на Артата ова лето е засилување на средниот ред, а прва желба е токму Милинковиќ-Савиќ.

„Кориере дело Спорт“ тврди дека Арсенал нуди 55 милиони евра, но Лацио бара 65 милиони и не брза да ги продаде бидејќи Србинот има уште две години договор.

Интерес за Милинковиќ-Савиќ покажуваат уште Челзи и Њукасл, но Арсенал сака да ја победи конкуренцијата и веќе работи на трансферот.

Милинковиќ-Савиќ е седум години во Лацио, а неговиот агент истакна дека сега е вистински момент за трансфер и чекор напред во кариерата.

Меѓутоа, Лацио не попушта и не сака да го пушти за помалку од 65 милиони евра.