Официјално: Давид Атанаскоски нов играч на Партизани

Давид Атанаскоски си заминува од Македонија Ѓорче Петров и во новата сезона ќе настапува за Партизани.

Левиот бек потпиша едногодишен договор со албанскиот тим, а во договорот има опција за продолжување на уште една. Фудбалерот веднаш ќе се приклучи на подготовките на тимот во Словенија.

Во редовите на Македонија Ѓорче Петров, Атанаскоски се врати во зимскиот преоден рок откако претходно помина една година во Шахтер Караганди. Во кариерата настапуваше уште за Академија Пандев, Турново и Тетекс.