Македонија – Грузија: Натпревар кој може да биде клучен и во кој не смее да се загуби!

Македонија е домаќин на Грузија во можеби најважниот меч во ова издание во Лигата на Нации. Грузија допатува во Македонија по одличната победа на гости кај Бугарија со 2:5, па сега сака продолжување на сонот и во Скопје.

Македонија од друга страна одигра реми со Бугарија, но славеше над Гибралтар минатата недела и со победа ќе избие на лидерското место што е од голема важност пред последните дуели во Лигата на Нации.

Меч кој може да се покаже како клучен

Со четири бода од воведните два меча во Лигата на Нации, Македонија може да биде задоволна – но само делумно. Ремито со Бугарија беше окарактеризирано како добар резултат, но откако бугарите беа декласирани од Грузија, ремито и бодот на Македонија загуби на важност.

Сега, Македонија мора до победа против Грузија на домашен терен за да избие на првото место на табелата и од таа лидерска позиција да ги чека последните два меча во ова натпреварување, со Бугарија дома и со Грузија на гости.

Може да се каже дека победата над Гибралтар беше очекувана, но против оваа селекција сите ќе забележат победи, па тука битката за бодови се стеснува помеѓу трите останати селекции во групата. Според она што до сега се случуваше во групата, дефинитивно овој меч може да се покаже како пресуден за финалниот изглед на табелата и од таа гледна точка, овој меч е најважен во групата.

Милевски одлично ритираше и ја зачува свежината

Против Гибралтар, Милевски излезе со шарен состав и се чини дека добро ротираше со силите. Свежината е зачувана, особено што мечот го добивме рутински иако потешко од очекувањата. Ротацијата беше повеќе од потребна со оглед на тоа што се играат четири меча за десетина дена. Само двајца играчи ги одиграа сите 90 минути на дуелите со Бугарија и Гибралтар – Барди и Муслиу.

Сигурно и двајцата ќе бидат во почетниот состав со Грузија, но прашање е колку ќе можат да ги издржат сите 90 минути, а ова особено важи за Барди кои беше моторот во средниот ред на предходните два меча.

Затоа, многу поголем придонес се очекува од Елмас од кого се навикнавме да биде најдобар на теренот. Тој на предходните два меча беше резервиран, без неговите препознатливи продори но можеби имаше и таква улога доделена од селекторот. Сега со Грузија ќе мора да одигра на повисоко ниво во креацијата на нападите и да му олесни на Барди.

Грузија залетана и одмаздољубива доаѓа во Македонија

Грузија не е истата селекција од пред две години над која славевме во финалето од баражот за пласман на ЕУРО 2020. Тој меч беше историски за Македонија, но беше големо разочарување за Грузија и сега сите во оваа земја сакаат одмазда бидејќи тој пораз сеуште боли.

Под водство на поранешниот француски репрезентативец и играч на Баерн Минхен – Сањол, Грузија почна да игра на повисоко ниво, а во Македонија доаѓа во едно крајно позитивна атмосфера. Победата над Бугарија со 2:5 одекна како бомба во фудбалска Европа и ги крена во облаци амбициите на грузијците, па сега тие залетани доаѓаат во Македонија.

Токму, атмосферата, кохезијата и хомогеноста во екипата се главното оружше на грузијците и Македонија ќе мора да игра крајно предпазливо, ако сака победа. Против Бугарија, Грузија имаше помал посед на топка, а тоа значи дека се технички инфериорни во однос на Македонија – но на крајот се бројат головите, а Грузија постигна девет гола на двата меча до сега – четири против Гибралтар и пет против Бугарија. Тоа е предупредување кон Милевски и дефанзивната линија на Македонија која мора да одигра на високо ниво и без грешка за да ја зачува својата мрежа.

Грузија со расположен напад, но со спора одбрана

Кваратшелија е фудбалерот кој е во најдобра форма во Грузија. Тој одигра по околу 60 минути на двата предходни дуели на десната крилна позиција и постигна два гола, а уште за два гола беше асистент.

Треба да се внимава и на фудбалерот од Жил Висенте Абурјаниа кој е главниот креатор во оваа селекција на Грузија и речиси сите напади поминуваат преку него. Тука се уште неколку фудбалери како Давиташвили и Вако од нападот, Квеквескири …

Интересно е тоа што повеќето од овој состав на Грузија играат во домашниот шампионат, односно во Динамо Батуни кои сезонава има крајно високи амбиции и сака долго време да остане низ европските натпреварувања. Тоа е различно од онаа Грузија од пред две години, кога фудбалерите играа во многу посилни лиги од сега.

Од друга страна, одбраната е посла алка и тука е шансата за Македонија, Играат доста цврсто, но се премногу спори и компурентни во одбраната и би требало да бидат полесен плен за Трајковски, Чурлинов, Елмас и останатите кои се тркачки многу поквалитетни од нив, иако инфериорни кога во прашање е силата и висината.

Очекување

Македонија и Грузија набрзина одиграа три меча во 2020 година. Бевме заедно во групната фаза на Лига на Нации и на два пати одигравме нерешено со идентични 1:1 и во Скопје и во Тбилиси. Затоа пак на најважниот меч кој одлучуваше кој ќе настапи на ЕУРО 2020, славевме на гости со 0:1.

Интересно, но ако се погледне статистиката – Македонија беше надиграна од Грузија. На сите мечеви Грузија имаше поголем посед на топка и повеќе шутеви кон нашиот гол. Сега, барем во Скопје, Македонија би требало да ја има топката повеќе во свој посед поради подобрите технички карактеристики на средниот ред.

И покрај тоа што најавуваат победа, Грузија се чини дека ќе биде задоволна и со реми во Македонија, особено што би ја зачувала предноста и од таа позиција би ја чекала Македонија на реваншот на домашен терен. Тоа значи дека ќе играат претпазливо и нема да се залетуваат премногу, но имаат брзи фудбалери по крилните позиции кои можат да бидат многу опасни од контра напад. Освен тоа се чини дека се подобри во скок играта и тоа е уште нешто на кое Милевски треба особено да обрне внимание.

Фото: ФФМ