Со поразот од Надал Ѓоковиќ ќе падне на третата позиција на АТП

Новак Ѓоковиќ беше поразен од Рафаел Надал во четвртфиналето на Ролан Гарос, а после овој пораз српскиот тенисер ќе забележи пад на АТП листата.

Од понеделник Ѓоковиќ не само што ќе го изгуби првото место туку и ќе падне на третата позиција, според пресметките. Со поразот во четвртфиналето Новак одбрани само 360 бодови и со минус од 1640 бодови ќе биде трет за Данил Медведев и Александар Зверев.

Кој од нив двајца ќе биде прв зависи од нивните резултати во продолжението на Ролан Гарос. Досега Ѓоковиќ помина 371 недела на врвот на АТП и му недостасува уште седум недели да го сруши рекордот кој во тенисот го држи Штефи Граф.