Бензема: Мбапе е многу млад, има време да заигра за Реал

Ѕвездата на Реал Мадрид, Карим Бензема зборуваше за својот сонародник и пријател Килија Мбапе.

Откако Мбапе реши да остане во ПСЖ ги разочара сите во Реал, медиумите пишуваа дека Бензема лично му се налутил.

Бензема ги негираше таквите тврдења, ја почитува неговата одлука и не ја исклучи можноста Мбапе во иднина да го облече дресот на Реал Мадрид.

„Не, не сум разочаран, секој има можност да бира што мисли дека е најдобро за себе. Ние сме добри пријатели и играме заедно во репрезентацијата. Мбапе избра да остане во ПСЖ и тоа мора да го почитуваме. Тој е се уште многу млад, би сакал во иднина да го оствари сонот и да заигра за Реал Мадрид“, изјави Бензема.