Бензема: Мбапе? Не зборувам за небитни работи

Капитенот на Реал Мадрид, Карим Бензема, не сакаше да ја коментира одлуката на Килијан Мбапе да остане во ПСЖ.

Откако Мбапе реши да остане во ПСЖ ги разочара сите во Реал, а најмногу неговиот пријател Карим Бензема, кој реагираше и на социјалните мрежи.

Бензема сега истакна дека е фокусиран на финалето од Лигата на шампиони, а Мбапе го означи како „небитен“.

„Дали имам став за одлуката на Мбапе? В сабота играме во финалето на Лигата на шампионите. Сега не е време да размислувам за небитни работи. Не сум лут, туку сум фокусиран на Лигата на шампионите, тоа е многу поважно“, изјави Бензема.

Голгетерот додаде дека и фотографијата со „Тупак“ на неговиот Инстаграм не била наменета за Мбапе, иако означува „предавство“.