Голем пораз на Вардар од Веспрем

Македонскиот шампион Вардар го загуби првиот меч од Веспрем со 22-30 во осминафиналето од ракометната Лига на шампиони.

Ракометарите на Вардар одиграа уште еден разочарувачки меч и се пред елиминација од Лигата на шампиони.

Вардар имаше период од речиси 13 минути во вториот дел без постигнат гол, а во неколку наврати губеше со 10 гола разлика, на крај средбата 22-30.

Најефикасни во составот на Вардар беа Филип Талески и Тимур Дибиров со по шест голови. Кај Веспрем Андреас Нилсон беше најдобар со осум голови.