Пандев: На Панчев му е мака што Македонија играше на Европско и бараж за СП

Легендата на македонскиот фудбал, Дарко Панчев во изјава за германските медиуми зборуваше за успехот на македонската фудбалска репрезентација.

Панчев ја коментираше сензационалната победа над Италија во баражот, а го „пецна“ Горан Пандев за неговиот придонес во репрезентацијата.

Тој изјави дека Македонија со Пандев во тимот губела од репрезентации како Андора (ОВДЕ).

Пандев веднаш се огласи и во изјава за „Фокус“ му одговори на Панчев.

„Немам што да кажам. Се гледа дека на човекот му е многу мака што Македонија играше на Европското првенство и бараж за Светско првенство“, изјави Пандев за „Фокус“.