Милан тргнува по Асенсио

Италијанските медиуми пренесуваат дека играчот на Реал Мадрид, Марко Асенсио ќе биде примарна трансфер цел на Милан во летниот преоден рок.

„Кралевите“ веќе подолго време работат на трансферот на Килијан Мбапе, па поради тоа се спремни да го продадат Асенсио.

Шпанските медиуми пренесуваат дека Асенсио не е задоволен од статусот кој го има во тимот, па сериозно размислува да го напушти клубот.

Најсилен интерес покажува Милан, кој веќе работи на трансферот и сака да постигне договор со неговиот агент.

Асенсио на лето влегува во последната година од договорот, па трансферната сума нема да биде висока и нема да биде проблем за „росонерите“.

Денешното издание на „Тутоспорт“ пренесува дека Асенсио е спремен да ја прифати понудата од Милан, кој му нуди важна улога во тимот.