Тен Хаг се подготвува за интервју во Манчестер Јунајтед

Тренерот на Ајакс, Ерик тен Хаг започнал да се подготвува за интервју за менаџерското место во Манчестер Јунајтед, пренесува „Тајмс“.

Тен Хаг веќе почнал да се информира за состојбата во клубот и структурата на управување, притоа зборувал и со лица кои се директно поврзани со клубот од „Олд Трафорд“ за да ја разбере ситуацијата во соблекувалната и односите меѓу играчите.

52-годишниот холандски стратег е еден од фаворитите за нов менаџер на Манчестер Јунајтед од следното лето, кога времениот менаџер Рангник ќе го напушти кормилото.

Англиските медиуми тврдат дека токму Рангник е голем фан на Тен Хаг и го препорачал на раководството како идеално решение за кормилото.

Другиот голем фаворит за тренерското столче е Маурисио Покетино, па во следните месеци раководството ќе донесе конечна одлука.