Недвед: Ги поддржувам Полска и Шведска, не знам што чека мојата Чешка

Фудбалските репрезентации на Полска и Шведска јавно истакнаа дека одбиваат да играат против Русија во баражот за Светското првенство.

Полската репрезентација во март треба да гостува во Москва во полуфиналето во баражот за СП во Катар, но веќе порачаа дека не сакаат да играат против Русија без оглед на можните санкции од ФИФА. Истиот став го има и Шведска која е во второто полуфинале од баражот и е потенцијален противник на Русија.

Последната репрезентација во оваа група е Чешка, па и фудбалската легенда на ова земја даде свој коментар.

„Ги поддржувам одлуките на Полска и Шведска. Не знам што чека мојата Чешка, очекувам и ние да постапиме исто. Навистина немам информации зошто не се огласиле, не знам ниту што мислат за целата ситуација“, изјави актуелниот потпретседател на Јувентус.