ПСЖ во текот на неделата која изминува оствари важна победа против Реал Мадрид во Лигата на шампионите, сега пред Покетино и друштвото е натпреварот во Лига 1.
На прес-конференцијата тренерот на ПСЖ зборуваше за ситуацијата на Лионел Меси. Аргентинецот против Реал Мадрид промаши пенал и се најде на удар на француските критичари. Од аналитичарите Меси беше помеѓу играчите кои добија најниски оценки.
Покетино застана во одбрана на Аргентинецот.
„Лионел Меси е најдобар играч во светот, тој има доволно искуство и знае како треба. Едноставно Меси е фудбал, ако сакате на некого да му објасните што е фудбал само му го покажувате Меси“.
„Сигурно дека промашениот пенал нема да влијае на неговата самодоверба, тоа е невозможно. Тој што мисли така не разбира фудбал. Задоволен сум од тоа како тимот функционираше во тој натпревар“, изјави Покетино.
Учество во игри на среќа е дозволено за лица со 18+ години. Играј одговорно!